كلمات أغنية الضرب فوق الميت
اعتدت الجراح ياغاليه ما عاد البشوفو جديد
وما بشعر بقيت بالطعنه مهما كان مداها بعيد
واحد عندى كان الامى تنقص ولا تانى تزيد
والا اصبح ملاقى ماسى والا يطل على العيد
ماهو غريب عليها الدنيا تقصد قلبى بالتحديد
ودون الناس براى ياحلوه ابقه عدوها انا الويحيد
يانى صريعه من شبيت فوق مهد الطفوله وليد
ولم كبرته واترعرعت فى دنيا الغرام والريد
من نار العذاب الضقتو لو ماكنت زول صنديد
كان فى قبرى بدرى رقدت فى جوف ود احدو شهيد
الا هواك ملانى عزيمه اه يابلبلى الغريد
بلقاك والمحن حابكانى دايما ليه مادى الليد
الا الليله عاد فى الغربه نازف قلبى دمو صديد
والموت قبل اجيك صدقنى ياهو مصيرى تانى اكيد
الشقى فيها امسى غرينى والقيد فى خطاى حديد
والشوق بى لهيبو ونارو يلعب فى حشاى عربيد
فى ركن السجون اتباكه ارزح فى الظلام والقيد
وخايف تبقى فيها اقدارى حاكمه على بالتابيد
لو يجدى الشعر ادمنتو كم سطرت فيهو قصيد
وترجمت العليا اغانى لو قول الشعر بيفيد
لو عش فى الجنان يابوحه غيرك ماحابقى سعيد
ودونك لو هدولى ثماره برضىء اشوفه مره شديد