كلمات أغنية الزمان بي طبعو ظالم

العيون في حسره تدمع والفؤاد مشتاق ومغرم
والزمان بي طبعوا ظالم خلى كل ايامنا ماتم
ما خلاص سبتينا انتي وتاني كيف من شرو نسلم
وكان وجودك لينا واحه وراحه للمحتاج ومعدم
لو ربيع ماضيكي ولى برضي بي رؤياكي بحلم
في رجاك لامن اروح او اعيش واشيخ واهرم
فيكي كم غنيت قصايد وفيكي ضقت المره علقم
وانتي كنتي سبب غنايا وصرت بيكي شهير ومعلم
يا ما ابكي وراك وانوح بي فؤاد بالشوق مفعم
لا بيشوف لا حتى يسمع زي كفيف واصم وابكم
ولما ضاق الحال عليا ومن وراكي نهاري اظلم
سبت ارض القوز رحلت وفيها كنت عزيز مكرم
جيت مسافر للمداين قلت نار الغربه ارحم
وكنت عارف بكره بحزن ولي فراق اصحابي بندم
وفيها لفيت لي شبيهك بس عشان القاهو انعم
وما لقيتو ولا حالقى وما اظن والله اعلم