كلمات أغنية اعتدتا الجراح

اعتدتا الجراح يا غاليه ما عاد البشوفوا جديد
وما بشعر بقيت بالطعنه مهما كان مداها بعيد
واحد عندى كان الامى تنقص ولا تانى تزيد
ولا اصبح ملاقي ماسى ولا يطل عليه العيد
ماهو غريب عليها اقدارى تقصد قلبي بالتحديد
وماهو غريب عليها الدنيا ابقي عدوها انا الوحيد
يانى صريعها من شبيت فوق من مهد الطفوله وليد
لما كبرتا واترعرعتا فى دنيا الغرام والريد
من نار العذاب الضقتو لو ما كنتا زول صنديد
كان فى قبرى بدرى رقدتا فى جوف ود احدو شهيد
الا هواك مالينى عزيمه اه يا بلبلى الغريد
بلقاك والمحن حبكانى دايما لى مادى الليد
الا الليل عاد فى الغربه ينزف قلبى دم وصديد
والموت قبل اجيك صدقنى ياهو مصير تانى اكيد
الشقى فيها امسى قرينى والقيد فى خطاى حديد
والشوق بلهيبوا وناروا يلعب فى حشاى عربيد
فى ركن السجون اتباكى ارزح فى الظلام والقيد
وخايف فيها تبقي اقدارى حاكمى علي بالتابيد
لو يجدي الشعر ادمنتوا كم سطرتا فيهو قصيد
ترجمتا العلي اغانى لو قول الشعر بيفيد