كلمات أغنية اشارات الوداع

هو كان شايف اشارات الوداع في العين
قدر جاي وامل راحل حزن قدر الفراق والبين
نذر قدرو المداقر عمرو لازم عمرو يتودر
نتر جرحو بيبشر دمو باكر دمو بتقطر
عرف فرحو السقاه حنانو والراجيهو بتاخر
شعر حلم السنين العاشو قدام عينو بتبخر
حس هو لما ضم ايديهو بشوق العمر بجري
وحس كمان ضياع امالو فاجئو في القلب بدرى
كانو عيونو كان بتقول وداع يا حبنا العذري
غمد اكان يضاري دموع وتخزلو دمعه منحدري
بسم رغم الفراق الجاي ياها عيونو زي اول
ضحك امل الزمان ضاميهو رغم انو الالم طول
سخر من الحياه الوداره عمرها مابتناول
ثبت حتحت دموعو الحري عن عينيهو ما تحول
رجع لايام زمان لا قاهو في درب العمر صدفه
ايديهو الراده ياها ايديه تضمو وبينا يدفا
عيونو الحزن ما هداها بل زاده الوجع يدفا
قليبو في يوم فراقو الابدي فارق حتى بالالفه
فضل جنب الحبيب ساهم فضل ساهر قريب منو
شرب على قدر ما اداه الله من القليب حنو
فضل في كل ثانيه يريدو ابدا ما انشغل عنو
دفع كل العمير والعافي كان يفداه لكنوا
حبس كل الكلام في جوفو خلي عينو تتكلم
كتم بوح الانين واللوعه نار في حشاه بتالم
صبر لما النهايه المره حانت وبالمصير سلم
مسك قلم اليقين من حبو رغم اساهو يتعلم