كلمات أغنية ارحل ياحمام
ارحل ياحمام شيل اشواقي وارجوك لاتغيب
وصل كل مشاعري وريدي لدار الحبيب
قولو قليبي يا محبوبي غيرك مابطيب
واي ديار بلا عيينيك فيها اكون غريب
السبب المعزبب قلبي وخلي الراس يشيب
فراقك يا اعز الناس بعد ماكنت قريب
الشوق والحنين البى بكتبوا ليك ملام
وخايف من يكون في غيبتي جابولك كلام
ولو كان البعاد نساك لي عهد الغرام
ماكان يا جميل تحرمني شوفتك والسلام
ارحل ياحمام قول ليه اصبر ياجميل
لومالت علي الدنيا عنك مابميل
كيف انسي البلد والخضره والنيل والنخيل
والوجه السحرني جمالوا والطرف الكحيل
مشتاق لنجيمه تضوي لي قلبي الطريق
وللبسمه التفيض حنيه من ثقروا الرقيق
تهتا انا في ديار الغربه لازاد لارفيق
وماكان يازمان ترميني بمالا اطيق
ما فارقني طيفك لحظه في ليلي البهيم
وياما الشوق يرجع سيدو لدارو القديم
لابد الزمان يجمعنا والحال يستقيم
وانسي ايام شقاي والقاك وارتع في النعيم