كلمات أغنية احلامنا الجايه
غبت وجيت من وين ياغالي تفتح باب الحب جوايا
شن سويت في احلامنا الفاتت جايي تكوس احلامنا الجايه
ضمضناك يالجرح النازف دسدسناك في جوفنا شظايا
تاورناك في الزمن الناشف وكوركنابك يامولايا
عضينابك جمر صبرنا وصبري يزيد العشتوبرايا
جيت من وين وانا لسه بريدك ولسه عيوني عليك بكايا
اه من قلبك وقوه قلبك يوم تاقيت الباب تالايا
يوم لملمت وساع الحله ويوم ضيقت علي دنيايا
ابكي عليك وابو التيتي ابكي معاهو ويبكي ورايا
وين غتست حجر افراحي ووين بددت الضو جوايا
تبني ولبني وراك افتش درب الشوق ماعندو نهايه
اتوسدت رصيف الرجعه ومر كتييير ما كنت معايا
اتمنيتك نورا يشرق نقطه مطره عطا غيمايا
اتمنيتك نيل وبوادي وغيمه ظليله وضل نيمايه
اتمنيتك عز الصيف سعفه معلقه في تمرايا
وانت مشيت خليتني اغني الله الليل ياليلي برايا
اه مسكين لي نفسي امني وللميتين تاريهو غنايا
والايام ماساكني تحندك مادي لسانه حلاتك ودقدق
وانت براك عارف دنيانا لما تقوم حاسدي وكاويا
وغبت وجيت من وين ياغالي والايام في غيبتك قاسي
ونار الشوق حاره وقلايا وغبت وجيت من وين ياغالي
والاحزان في غيبتك كابي وجاري بحار الهم لوايه
وغبت وجيت من وين ياغالي تفتح باب الحب جوايا
شن سويت في احلامنا الفاتت جايي تكوس احلامنا الجايا