كلمات أغنية هرمون السعادة

الخطا وارد وبعض الخطا مثل الصواب
وكل مخطي يوم يخطي يبى ياخذ جزاه

يا عديل الروح حلق على متن السحاب
لا تقصوا في وليفك ولا تقسى علاه

قفل ابواب المشاريه وابواب العتاب
وفك باب الوصل وابشر بكل الي تباه

مالك الا الي يطب المخاطر ما يهاب
ومالك الا الي يعوضك في باق الحياه

يتباسا في جروحه ويبكي في عزاه

دعوتي في تالي الليل عيت تستجاب
ادعي الله ما يضره ويكتب لي لقاه

الهواء شدد طميه وعكاش استصاب
ردها عن قطن علم تناقله الرواه

خل عاد الي تعلق بمنقوش الخضاب
يتعذب في حياته و يبطي ما نساه

يا وجودي لا تذكرت زوله بعد غاب
وجود عود راح عمره ما حقق مبتغاه

اطرد الذكرى تقول اني اطرد لي سراب
راح وقتي كلما اقرب منه يزحف وراه

مشتبه ون جيت اجاوب دخلت الاشتباه

كن كفي ينبش القبر من وسط التراب
وكن فوق الصدر ضلع مثل ضلع السراه

اشهد ان الغاليه غاليه رغم الغياب
واشهد اني منجرح جرح ما يلقى دواه

ليه ما يرحم عيوني من انواع العذاب
وليه يستعظم خطايه ويستصغر خطاه

فيه علقت الهقاوي ومنه الراس شاب
ونطبع حبه بقلبي ولا ينقص غلاه

عيطموس تشلع القلب في سن الشباب
زينها ما ينتوصف رفيع مستواه

ودك اهلها يحطون لا للاقتراب
فتنة بين الخلايق تشد الانتباه

شيخة من بيت شيخه ومحشومة جناب
لو سمع عنها الموذن يهوجس فالصلاه

لا مشت تلفت عيون وتكسر رقاب
ولا وقفت يصيب بعض العرب حالة وفاه

من عرفها مايعرف الزعل والاضطراب
هي هرمون السعاده ومفتاح الغناه

زبده الموضوع هاذي علاج الاكتئاب
لا تدور طب اطباء ولا طب الرقاه