كلمات أغنية ساقني حظي

يابو فارس ياخوي الجنب لا تشره عليه
كان شفت الخله استرها ولا تكشف غطاها

ياكثر ماشلت في نفسي من الدنيا الدنيه
لين حطتني مقادير الليالي في نحاها

ساقني حظي وجيت التحليه والفيصليه
واول الايام اجي من دونها ولا وراها

البها والغطرسه واهل الحياه المخمليه
عالم مثلي مايذكر فارضها ولا سماها

والعرب من حولها لا علها ولا عساها

التفت لي في طرف عينه رماح يعربيه
من نظرها والله ان تبطي جروحه مابراها

الهنوف اللي تحز القلب حز الحضرميه
ليت ربي ماكتب لي عرفها والا هواها

الكبر فيها جبله والطغى والنرجسيه
حتى خطوتها تعذبها ليا ساقت خطاها

تدفع الخطوه ويبلشها الثقل والجاذبيه
تحسب انها تحتها والجاذبيه من وراها

عينها عين اشقر بين الجبال الساحليه
في محاجرها يضيع الوقت مدري وش بلاها

يوم نجد تجندل الفريس لا دارت رحاها

ساعة فيها تغيب الشمس حزة مغربيه
الله اعلم ويش بلقى ياسها ولا رجاها

جيتها مثل الدريك اللي على حوض المنيه
بيهديها الله لا والله روحت مالله هداها

صرت انا قيس الملوح عند ليلى العامريه
ليت ليلى العامريه ماخذت قلبي معاها

يابو فارس خلها تمشي ترا النيه مطيه
لا تهايق من ورا نفسي ولا تبحث خفاها

معلومات الاغنية
كلمات : سيف بن طفله
لحن : محمد العيافي
اداء :محمد العيافي وناصر العيافي
تسجيل وتوزيع ومكساج : استديو تون لايف
المهندس عبدالرحمن الشهري
جرافيكس : عبدالعزيز