كلمات أغنية دون الخوي

شمس العصر هرفت للغرب وانحت له
مكسورة العين ومن الليل مفزوعه

غابت يوم ارخى الدجا اسدوله وهي خجله
ومن منصب الغطرسه والكبر مخلوعه

ويوم اظلم الليل جت الافكار متصله
وشرد القوافي لفت للصدر مجموعه

وسريت قاف سرى يمشي على الفصله
ابغى اختمه قبل يبدي الصبح بـ طلوعه

وخيل المواجيب للماجوب مشعوعه

الناهسي من هقى به مايخيب امله
حتى لو الوقت مايمشي على طوعه

دون الخوي ما اعتذر لو شغلته شغله
معطي العذر ركبه ومعطي الشغل كوعه

لاما بدى شان منهو امعرب اصله
الاعذار في سلطة الماجوب مقموعه
حمد حميد النبا الركبان زاعت له
شهم شجيع كريم وافي بوعه

كودي حمر عين من روس ال بو عجله
حر لاشان الزمن ماشانت طبوعه

فيه الوفا والكرم والفزعة العجله

اقول واطول وانومسه فـي حفله
واثني التراحيب بسمى جملة ربوعه

يامرحبا عد نصب لا نثر وبله
عقب الدهر تفرح البدوان برجوعه

في كرنفال رعوه اصل الكرم وهله
كرامة الضيف مثنية ومربوعه

تنحر له البل وحيل الضان تذبح له
والطيب ينساق له والكيف وقدوعه

عند ال ذيبه مقام ما يشبهله
هل قاله وجابة عليا ومسموعه

روس على الطيب مخلوقه ومنجبله
منها الرخامه وضعف النفس منزوعه

من عزوة ما تحرب اخصامها ختله
وحدودها وإبلها ماهيب مطموعه

والمجرم اليا زبنهم يامن ويدله
يامن وهو في حماهم ويهدى روعه

فزعاتهم عجله ومداتهم جزله
عوايد من قديم الوقت مشروعه

امجادها ثابته وافعولها جمله
كود الخفاجي فروع الطيب وجذوعه

من صلب شهران بن عفرس ومن نسله
بحر يتلاطم بفريسه و بـجموعه
من قرب حدانهم خذل ودنى لـ اجله
تامن وهي في ذرى الابطال ممنوعه

هل سطوه وقوة عظمى واهل صمله
جمع ثقيل وخطير وزوعته زوعه

نفخر بـ مجدن لا جاء بعده ولا قبله
الاعلام تطرخ فخر والروس مرفوعه

والمجد شهران ساسه واصله وفصله
وفي كل علم علا قدوه ومتبوعه

معلومات الاغنية
حفل زواج الشاب

حمد عبدالله ابن ذيبه الكودي

كلمات الشاعر
علي ابن جرمان الناهسي

اداء
محمد ال دلبج

تصميم
الشامخ الناهسي