كلمات أغنية رحلة استجمام
- كلمات
- بندر الدويش
- ألحان
- محمد ال دلبج
سرى الليل وش غير الحماسه وابو تمام
نديم الورق والحبر والقهوه الساده
بصدري كلام وفي خيالي وصل واوهام
لو اخير منها دمعة فـوق سجاده
أنا اكثر بشر تغريه الاحلام والاحلام
يموت الولد من دونها مادرك مراده
ماعاد ادري شلوني من الفقد والآلام
قعدت اتجنب سطوة الوقت وعناده
عسى باقي من ديرة الوصل نشاده
مضى عام عقبه عام واليوم ثالث عام
ولازلت بقدام الطواريق وجداده
ياماعذبك وانت تهب حتى مع الأنسام
وياماقساك وأنت تغرب الشخص ببلاده
تكلم تحرك سولي شي انا منضام
غدى السهر مهنه والتملل غدى عاده
احبك بشر مانيب احبك من الأصنام
علامك تضيم أنسان تقدر على أسعاده
تشوف الغريب اللي عدالك وطاح وقام
سؤاله وش اللي ينفعك من توجاده
قصيدي شعور ماعرف وش هي أبعاده
كتبت ومليت الأرض شعر ووله وهيام
ولاطعت فيك الناس والناس نقاده
مثل من ملى الدنيا لحون وصدى وأنغام
لو انه تشتت بين ورده ومياده
من الشعر ماخلد بشر وأستمر ودام
لولا شعر ابن زيدون وش حجم أولاده
لو اضيع بك من ضاع فيك انت ماينلام
وش اللوم ونفوس المحبين منقاده
ياكم من صحيح يقتله منك السلهام
وياكم من مريض منك والصبر مافاده
لك قلادة ان حبيت صارت عليك حزام
ولي الصبر لو نارك على الكبد وقاده
ياكثر الفتن من غرتك لاسفل الاقدام
وجهاد الفتى نفسه عليك اعظم جهاده
اشوفك وطن وتشوفني رحلة أستجمام
وأشوفك عمر وسنين ماهي بمنعاده
معي قلب واحد لو تقسمه خمس أقسام
يحبك بكل اقسامه الخمس وزياده