كلمات أغنية لا تحزن

لا تحزن عزيز النفس ترا كل الدروب وساع

ظروفك تطلب الحاجة ونفسك ترفض الذلة

ولا تشكي لي اوجاعك ترا عندي من الاوجاع

لو انها تدخل بصدرك تبي تخرج من الملة

تمسك باخر ايمانك ولو راحت ثلاث ارباع

ترا اللي عزه التوحيد شاف الله عز له

صلاح الدين بايمانه خذا قرضابه القطاع

على صهوة جواد الحق جاء للقدس واحتله

و سفينة نوح في الطوفان لو طافت بدون شراع

هي بترسي بأمر اللي يعقد الحبل ويحله

تبي تصبر مثل ايوب لا شفت الزمن خداع

وتبي تفرح مثل يوسف لا شاف العفو واصله

مادامك تفعل المعروف لا تحزن لا منه ضاع

ترا المعروف ما يمحق لا سويته لوجه الله

وانا ما اقصر دروبي ولا اجنب عن الاسناع

مدام مطير هي ربعي وانا من صلب عبدله

لو ان قلبي يحطونه على نار الحديد وماع

ما يسكن صدري الضعف ولا تدخل قلبي الذلة

نضج عقلي من الايام واحداث الزمان صراع

يا راسي من عنا التفكير تمشي لك على مله

عساني عند هقوات الرفيق الطيب الفزاع

واجي من فوق هقواته واكون قريب لظله

منافعنا ورا الرفقة مثل نفع المطر للقاع

يا زين الصيب النافع لا منه جاك في حله