كلمات أغنية لطيف الحشا

انارحت صوب وراح مضنون عيني صوب
واناماتريح لين اسير واجي صوبه

لطيف الحشى اللي طلع صدره يشق الثوب
تضايق ابحمو الزود لين ارتفع ثوبه

والا ياعيون اللي طريح الشبك مقضوب
يتل السبوق وهي على الوكر مقضوبه

لياشافها اللي له بدرب الغرام سلوب
يلج الصياح وينقض العهد والتوبه

عليها عيوني كن فيها الغضى مشبوب
تهل الدموع وشعلة النار مشبوبه

تذكرت يوم اقفيت كني كما المضروب
وهي كنها بعد على الوجه مضروبه

وقفت وانا قفيت كلن عليه ذنوب
وكلن يحسب خطاه فالارض وذنوبه

مقادير مرواحي وانا ماعلي غصوب
لكن الخطى للعبد فالارض مكتوبه

طلبت الكريم اللي يخلص عن المطلوب
جزيل العطى اللي يعطي العبد مطلوبه

يرده الاهن رد يوسف على يعقوب
كفيف البصر حتى على الثوب مروبه

معلومات الاغنية
كلمات : مطلق بن دخيل الله المطرفي
أداء : ماجد خضير
توزيع ومكس : تون لايف
تصميم : ابراهيم
توزيع ديجيتال : الفان