كلمات أغنية الشوق نار

لاوالله الا راحت بقلبي جهار من النهار
وانا اذا واحد سألني قلت تكرم عينها

ماهو مغير القلب لا ولله تفداها العمار
الدره اللي ماخلق زينن يشابه زينها

ان جيت اوصفها يصيب الشعر وقفه واحتيار
لو قلت ماجاء مثلها فالكون اخاف اهينها

شمس الضحاء تغار منها والقمر منها يغار
والارض تقلب ورد عنابي تحت رجلينها

حبيتها حب الغريب اللي تشوق ل الديار
يذكر دياره ثم سالت دمعته من حينها

حبيتها لو ادري ان الحب ل العاشق دمار
ذوقي وتفكيري وعقلي كلهم هاوينها

لو قالت اليسرى يمين وقالت اليمنى يسار
اقول كيفك ي حياتي زي ماتبغينها

من حبها جت في خلايا المخ يعني بتختصار
اشوفها حتى وانا فالنوم ينصر دينها

وليا لبست الثوب اصك زرار واخلي زرار
والبس شماغي وانشد اصحابي شماغي وينها

صبرت وان الصبر نار اشتقت وان الشوق نار
حالت سلوم البدو من بين الوصال وبينها

عشرين عام من الوصال ولا نهارين انتظار
الاوله يازينهااااااااااا والثانيه ياشينهاااااااا

البعد عمن تعشقه موتن حمر والموت حار
الله يوم اذكر دموع الشوق مع خدينها

من دونها ماكني الا عايشن في قندهار
روحي يهددها الخطر ف يسارها ويمينها

احيان اقول ابو حياتي مالي الا النتحار
واحيان اقول العافيه والعافيه يازينها

شوفو لنا حاجه تغيب ب العقل غير السكار
ودي يغيب بي ولا اصحى غير بين يدينها