كلمات أغنية طريق نسياني

بقول قدامكوا أنا كويس وأموت لما بكون وحدي
وبعمل نفسي مش فاكر لكن ولا حاجه بتعدي
وبين احكي وبين اخبي هروح فين من وجع قلبي
وتفكيري ياخدني بعيد وعقلي يجيب وبيودي

ياريت الذكريات دي تمشي زي ما اصحابها مشيوا
أنا وكتير اوي زيي فاكرين ناس فارقونا ونسيوا
وفين نرسي مفيش مرسى وبنحارب عشان ننسي
لكن عشان حبينا بجد بنتعب لما نفتكره

طريق نسياني ليكي طويل
وكل اللي مشيته فيه قليل
وخد كل اللي فيا جميل

بقيت عايش جسد بلا روح
بقول علي اللي يروح ميروح
وتفكيري بقي سلبي
بحارب الجروح ب جروح

حاربت القلب ميحبش لكني خسرت واتهديت
وبشغل نفسي عشان انسي بلاقيني سرحت بكيت
مفيش أسباب أعيش في عذاب حياتي حزينة زي كتاب
سابوه ع الرف متحنط بيسأل نفسه ليه اتنسيت

طريق نسياني ليكي طويل
وكل اللي مشيته فيه قليل
فراقك خد معاه قلبي
وخد كل اللي فيا جميل

بقول علي اللي يروح ميروح
وتفكيري بقي سلبي
بحارب الجروح ب جروح