كلمات أغنية الطموح

الطموح
طموح وتيجي بالسلامه
والجروح
شبعت منها وشلت ياما
والحنين
جوه قلبي ساب علامه
والحساب
الحساب يوم القيامة

كدابين
كدبو كدبة وصدقوها
غشاشين
المبادئ
المبادئ جزئوها
والأصول
كانت مباني ووقعوها

كتر التفكير بيموتك وبالبطئ
مخنوق اوي نفسك كمان عمال يضيق
واقف مكانك خايف تروح اي طريق
وبقيت وحيد رافض يكون عندك صديق

لمعة عنيك فاضحة الدموع اللي وراها
شكلك مبهدل وحاسس انك في متاهة
ميت من الخوف خايف اوي من النهاية
كاره تشوف شكلك اوي اللي ف المرايا

الليل
سكانه كتير مبيناموش
مكسر ومبيرتاحوش
خايفين
من بكره مبيحبوهوش
ساكتين
وجواهم مبيسكتوش

خايف
يكون ده أصلا مش طريقي
واطلع
ف حلم باهت مش حقيقي
الحزن
قاعد بيجري في عروقي
يا حياة
كفاية بقي عليا تضيقي

كتر التفكير بيموتك وبالبطئ
مخنوق اوي ونفسك كمان عمال يضيق
واقف مكانك خايف تروح اي طريق
وبقيت وحيد رافض يكون عندك صديق

لمعة عنيك فاضحة الدموع اللي وراها
شكلك مبهدل وحاسس انك في متاهة
ميت من الخوف خايف اوي من النهاية
كاره تشوف شكلك اوي اللي ف المرايا