كلمات أغنية ضباط عتيبة
- كلمات
- عبدالعزيز الوذيناني
- ألحان
- فايز العتيبي
هب يابعض الطواري وطول الانتظار
والهجوس اللي تداحم على مضمارها
جالي اسبوع اتململ وكني فوق نار
والصدور الله خلقها لحفظ اسرارها
شاعرن شواش وحب ربعي بختصار
عزوتن سادت وزادت بطيب اذكارها
عزوت عتيبه شيوخ العزاوي والجوار
صيتها يرعب عداها ويمن جارها
لا عتزينا تامن اللي تدير احوارها
والله ان اسم العتيبي عطا الدنيا وقار
وثبت شداد المراجل وولع نارها
حي طاري ربعي عتيبه طوال العمار
قومن تجفل عداها صهيل مهارها
في حفل تخريج ظباطنا زان القرار
هم حصون الدار وحماتها ونصارها
هم شواميخ المطلات ونجوم المدار
وفي يديهم راية المملكه وشعارها
فيهم امال المقابيل نهضه وزدهار
ومملكتنا في عطاها وفي استمرارها
وشرهت جزال القصايد على شعارها
والبيوت النخبويه مثل وضح البكار
كايده في مستواها وقو اسعارها
وحدتهن من ملكها ملك قيمة عقار
وماملكها الا رجالن طواال شبارها
سقتها لهل المواقيف سوق ام البهار
دلتن ظبط عويديها وبهارها
في رضًا الله ثم رضا ملوكنا طوال العمار
وفي رضا كل القبايل وفي مقدارها
ياملكنا دونك نسوق الاعمار انتحار
ياملكنا ياحجا المملكة وسوارها
يامليك الحزم رمز الفخر والانتصار
خيرك اللي عم كل العرب فديارها
والمهمات الكبيره تخاضع للكبار
مالها الا محمد اللي يدوس اخطارها
ياولي العهد امير السعد والافتخار
شورك يقدي شيوخن تعد اشوارها
انت في عهدك تطور ونهضه وانبهار
لاتلوم اللي تفدايك دون عمارها
في ذرا الله ثم ذراكم لكل الناس كار
والعرب لولاكم انتم تبيح اسرارها