كلمات أغنية حروف الذهب

يامقسا الظروف اللي عمسها فتحله باب
وجعها مضارب شلف وسهامها نبلي

لامرت تخليني بحيره وشد اعصاب
مابيها لاكن تحدني لين تنشبلي

على وسع صدري صرت اجنب واحسب حساب
لو البعد خلا ماقف الطيب يحسبلي

انا ماكتب حروف الذهب في جناح غراب
ولا انزل واجي في ماقعن مايناسبلي

علومن على العقال يضحكبها الخبلي

تشيل الجمال ولحقها الطق فالارقاب
عليها تفوح صدور مساست الحبلي

الا ياجمال الحمل شيالت الاصعاب
انا اتعب على اللي دوني العام يتعبلي

مطيح البطل بين السكاكين والانياب
لا يفرح بسرعة نقلها قارع الطبلي

فرجها يجي من ربنا الخالق الوهاب
مخلي السحايب نوها ينثر الوبلي

انا محسد المومن ولا لي ورى الغياب
وراضي بقسمة خالقي يوم تكتبلي

مناديبها صلفه وغاراتها تبلي

خطايه علي نفسي بعد مافتحله قاب
نتيجة معاناته ورى العوج سببلي

صعوبة تعايش يفرضه واقعن كذاب
ثمنها خسارة طرقتن ماتواكبلي

يافعل الجميل اللي فقدته مع الاصحاب
عليه يمين وروس الاشهاد ترقبلي

بذلته ولا ارجي من ورى مدتي وش جاب
ولا قلتله هاذي على شانها جبلي

يعله مراحن مايعود وطول غياب
نهاية سواد وبيض الايام تقربلي

رصيد التجارب من دروس الحياه كتاب
حفظته من الايام والناس من قبلي