كلمات أغنية متضعفش
قالولي فترة وتعدي وبكرة تعيش وتنساها
وأصعب حاجة دلوقتي متفكرش في هواها
قالولي بكرة تتعود هتتعب بعدها شوية
أتاري الفترة بطول وروحها برضو حواليا
أنا محتار ومش عارف أكمل بعدها حياتي
وخايف لو في يوم أكيد محتاجه لحناني
وعارف إنها أختارت تروح وتعيش بعيد عني
وأنا من حقي أعيش وأرتاح وأكمل عادي في الدنيا
لكن راضي بذل سنين ومش عايش لحاجة تانيه
وكل الناس تقول ساذج عشان واقف ومستني
قالولي كتير متضعفشي ولما تشوفها داري عينيك
ولو ندهت عليك إمشي عشان الشوق هيتعب فيك
وحاول لما تقابلها متسلمش زي زمان
وميبانش في عينيك لهفة وداري عليها لو تعبان