كلمات أغنية المحنة
ما بين المحنة والمحنة بتتغير ملامحنا
ونيجي نبص في وشوشنا
نحس ان احنا مش احنا
بتتغير طباعنا اكيد
ودايما كل يوم في جديد
عشقنا الكدب والتقليد
ومش عارفين لفين روحنا
نداري الحب في قلوبنا
ونظهر بس في عيوبنا
دة كله لحد ما تعبنا
وكله يا ناس بيتغير
هموم جوايا مهما تزيد
اقول انا اقوى منها اكيد
وبستنى تملي الخير
على امل ان بكرة جديد
تعدي سنيني قدامي
وتثبتلي ان بكرة بعيد
عشقنا الكدب والتقليد
ومش عارفين لفين روحنا
نداري الحب في قلوبنا
ونظهر بس في عيوبنا
دة كله لحد ما تعبنا
وكله يا ناس بيتغير