كلمات أغنية حقوق الوسم
- كلمات
- سعد بن جدلان
- ألحان
- عبدالله الصخابره
يازين المشي في الروض الخضر لاشعشع المخضار
ويازين الديره اللي من حقوق الوسم ممطوره
يريح البال سج في الفياض الخضر والمسيار
سعادة للقلوب اللي من السلوان مسروره
متى عيني تشوف اللي على قلبي ربيع ودار
أشاهد للسعاده في حياة المجتمع صوره
على ذيك اللباب اللي من الرضوان مغموره
لامنه اصحى سما غر المزون وشعشع النوار
ودجاه أدلى اسدوله والقمر متجلي نوره
أشاهد لي بروق دونها ربانها تندار
تقول أكباس غاز من ورى شلال نافوره
سبح ماهر خيالي في الخباري والبرد والنار
وأشوف الجمر فوقه دلة الرسلان منحوره
هذاك المنظر اللي ماتشووفه في الحياة امرار
حرام أني ما اهني راعي المليون والمليار
ولاأهني عربسات الفضا دوره ومقدوره
أعيش بعالم طول المدا يبقى لها تذكار
عليه بالحرام انها حياة مالها جوره
هذا وجه الصحيح ولا على وجه الصحيح أغبار
حقيقه ويتمعنها اللبيب بكامل اشعوره