كلمات أغنية الا الغياب

ماهوب يطلع فالمراقيب ويروح
الا اشقر ماهوب يرضى المطاحي

مر يشاف ومرتن مابه وضوح
متعدي فوق الطويله وراحي

من كثر ما مره من الارض مجروح
كنه يدور فالسماء الانشراحي

خذيت لي درس من الوقت مشروح
يا ليت قلبي من غثاه استراحي

القلب يثر فيه صوتك لا ناحي

تبغي كلام الصدق ماعندي مزوح
اسمع كلام الجـد خل المزاحي

لاتزيد جرح ما انبرت قبله جروح
والا ان ربي وامرك في اجراحي

يا واحد تاتي على البال وتروح
في كل وقت لك مجي ومراحي

ياللي تقول الروح ما اغلا من الروح
من طاح في درب المواليف طاحي

الا الغياب ان حان منته بمسموح
وباقي الامور اللي تسوي مباحي

وحرمتني من سلوتي وانشراحي

مالي ورى كثر الهواجيس مصلوح
اللي جعلتني مارقد الليل صاحي