كلمات أغنية حميدين الجناب

سلام في محفل حميدين الجناب
من شاعر قافه كما وبل القنوف

يامرحبا تدبل عدد رش السحاب
يامرحبا واعداد رعاد رجوف

في حفل ابو محمد وطيبه يوم طاب
ماهو غريب ومعتلي في راس نوف

النايب الله يسعده في كل باب
في اللازم يحط النقط فوق الحروف

ينشد عواريف على فعله وقوف

واثني المدح واطلع بعد طول الغياب
وانوب عن ربعي وارحب يالصفوف

ادروعي احزامي مطوعت الصعاب
اهل القنا ومخضبت حد السيوف

اهل الكرم وافين من شيب وشباب
امعربين اجدود والاسم معروف

الاحدجان الكفو مدمين الحراب
من لابت ال جلاب مقرين الضيوف

وخوالهم من عاد بقعا في اشتباب
خصيمها من فعلها يرجع عيوف

افعالها تعرف كما عد غروف

من روس غفر وذكرها فوق الهضاب
لاصاح صياح الضحا ستر الهنوف

اعيال عوير ورمزهم حق وصواب
محازم فالضيق وخلق الله تشوف

مريةن تحما على تلع الرقاب
كسب الجدود الي احتموها بالعطوف

من شاف جمعانا ليا جات النشاب
يقفي غصب والقلب به رعب وخوف

من عاد بقعا قل وشحاح الزهاب
افعالنا تعرف كما برق كشوف

ومناسبين اهل الكرم عز النصاب
دواسر تحما الدبش دون الدفوف

افعالها بين القبايل والعتاب
ابعتذر من قاف الابيات القصوف

من دون قاصر في القبايل والكتاب
مسطره فيه الفعايل والحتوف

من عاد بقعا بنت وعساف الركاب
نرسي غصب والصيت بالطيب محفوف

واختامها صلو عدد حصما التراب
على النبي الهامشي ريف الضعوف