كلمات أغنية شارة الطائف

دن زير ام المعارك فوقته بتمام
مكرمة راع المكارم وذخر ايمامها

فزعة تراث الجزيره عساه بخير تام
دام راسه حي داره ماحي ظامها

ياهل الطايف وياللي تجونه كل عام
التحيه فلبدايه ومسك ختامها

كل عام الركض حامي ماهو برد وسلام
وهسنه بيصير شي ماجا قدامها

والنوادر ماحد باع للي سامها

شارة الطايف ماتعطا عليه بلحرام
الاخو يظرب على اخوه قدم اعلامها

سبقة الطايف تراها ذخيره فلحزام
وين ماتغزي بها يعجبك درهامها

وزاد من تالي غلاها بعد مالحض قام
مهرجان ودعم من زاد في مقامها

مهرجان تقول عيد الضحيه وصيام
نحسب اله الحول بشهورها ويامها

نذخر اله السابق اللي ليا زاد الزحام
تفرق وشوط البدايه مثل مفحامها

و غير زين الشكل زين الفعل غرامها

ان غزينا القوم نغزي بسمرا ماتظام
رشحوها مقدم القوم قبل فطامها

الهقاوي ف الاصيله تعلق يلحشام
ماتعلق فرديه يكود خطامها

مايوردك الروا غير مفهوقة سنام
مدت الغارب هو اللي فهق سنامها

رق في كل المقاطع ورق فلعظام
وفخذها والجوف ماهو بمثل عظامها

اجزل الشعار فوصافها ماله كلام
فارقه في وصفها مثل فرق اتيامها