كلمات أغنية تراث اهلنا
- كلمات
- عبدالهادي القنيفذ
- ألحان
- عبدالله ال جفران
حيو خيار تراث اهلنا
وغناه من عصر الاوايل
الهجن من ماضي زمنا
عز الرجال اهل الفعايل
وفي مهرجان الطايف النا
والها مقام له دلايل
اتعيش ياقايد وطنا
على مواقفك الجزايل
وحققت حلم اهل الاصايل
لين اقبلو منا ومنا
وتنافسو باغلا الذلايل
كلن على الهقوه تعنا
يقلط مع اعيال الحمايل
يبغي على ماهو تمنا
لا صفو زحول القبايل
يرهي بعزم ن ما تثنا
باللي حجبها فوق طايل
متسنده ماهيب دنا
امعزله والشكل هايل
ترشيحهم له دوم مايل
لاروحت ماهي تونا
بالذات في رمز القوايل
قدامهم يوم اقبلنا
نشلا مذارعها نحايل
قنايها بفوزه ايهنا
وهي ذكرها صايل وجايل
يرسل لها اللي ماتونا
مع المناديب الرسايل
يقول ذي لاتروح عنا
لو ندبل القيمه سهايل
ما يلام من شوش وغنا
عبر الا ذاعه والوسايل