كلمات أغنية اسم الاكحل يشكل علتن مزمنه

عقب ١٢ والهوى غربي بنص الشهر
والليل هادي وساعاته لي مطمنه

ماغير انا والقلم سمار تحت القمر
وافكار راسي على استعداد ومدندنه

من داعي الشعر مبطي مالفاني خبر
لي حول عامين واكثر مالفاني منه

مبطي عن الناس والساحه وبدع الشعر
واليوم بالذات بدع الشعر مالي عنه

متعب عسى جنة الفردوس هي مسكنه

شاعر وله عند ربعه طيب ذكر وقدر
لاقام للخصم بالميدان جنب عنه

مذكور بالطيب والفزعه وعطر الذكر
له سيرتن في مجال الطيب متسلطنه

وعلى طريقه مشاري ماتوخر شبر
ماشي على درب ابوه وديدنه ديدنه

في حفله اقف واغني وانطرب وافتخر
عسى المسرات قدمه وايسره وايمنه

عداد ماداعب النسناس غض السدر
وعداد مادارت الايام يوم وسنه

بالمحفل العامر اقف بالنيابه عنه

مخلفين يتله عرق طيب وسطر
ياطا على الكايده وطيه على الهينه

من ربعي اهل الوفا والطايله والفخر
مخلف الي لهم على العدا هيمنه

يومن ماللعدل والحكم شان ومقر
والدار مهي مثل هالوقت مستامنه

يوم الليالي صعاب ويوم وقت الخطر
ويوم العرب كلن يبين على معدنه

ذواد به للخصيم الشرس درس وعبر
من فعل ربعي رجع للترك وسط كفنه

عقب الطغا من جنود الترك شبعو قهر
وصار اسم الاكحل يشكل علتن مزمنه

جيشن غزا ديرة مخلف ويبغى النصر
مايدري ان الصعيبه عندنا ممكنه

وصلو على محمد المبعوث خير البشر
الهادي المرشد الي نقتدي بسننه