كلمات أغنية يا ابن عمي ابشر كل شيء تبيه يصير

لياء ذعذع الغربي ولاعب غصون الطير
يهيض هجوسن فالمعاليق ملتمه
هجوس القصيد اللي تجيني ضحى وعصير
يطيب السمر والليل ماعاد آنا يمه
عشان الرفيق اللي مانرضى له التقصير
على هقوته واقول سم الطلب سمه
يا آبن عمي ابشر كل شيء تبيه يصير
اناحسبة اخوانك لياجت لك مهمه
لياجاء لزوم القشعمي مالنا تآخير
نسوق العزوم اللي تورد على الجمه
يقولون ماللحمل يبرك ياكود ابعير
وانااقول يبرك كفو شارب حليب امه
اجل كيف من شال الحمايا وسط دمه
حقوق الرفاقه كبر سلمى واجا والنير
ولاتصغر الا في نظر بارد الغمه
ياحي أبوثامر والنشاما لهم تقدير
هذا والله اللي مذخر العذر من يمه
ياكثر الوجيه اللي تبا المدح والتصوير
واناماامدح الاقرم تبرى به الذمه
رفيقي وله عندي معزه وقدر غير
يحط الامور الكايده في طرف كمه
قبل لاتنصيه المهمه يجيك مغير
يومن الغشيم يغيب عنها ولاهمه
لو الطيب جرم حقه السجن والتشهير
لقيت اكثر اكبود الرياجيل منسمه
تربى على النوماس من يوم كان صغير
يسد اللزوم اليا بدا عن بني عمه
وعلى جنبه اخوانه على اشر ولى خير
مجنبهم الله هفوة اللاش والزمه
مداهل قروم تنفي الزور والنمه
على درب عود يفتل الراي بالتفكير
لياالله بلاه بمعضلة وقت ومطمه
هلا مرحبا والضيف يقلط على التقدير
بسم من مواقيفه تشرف بني عمه
عسى الله يديم افراحكم كلها في خير
هذا ثالث الآعيادجعل الله يتمه
هلاله يشوفونه هل المجمعه وسدير
ومن طيبكم كلن عنى واتجه يمه
عوايد ربوعي منبع الطيب والتوقير
لياكبرت القاله لناسطوه وهمه
معبد ليا صاح المصيح ودق الزير
ترفرف بيارفقنا على عالي القمه
بواريدنا ماهي ب للعب والتعشير
ليا دق زير الحرب جينا على اليمه
لوابذكر الآمجاد يعجز بهاالتعبير
تواريخنا تبقى عظيمات ومهمه