كلمات أغنية شي من احساسي
- كلمات
- مشاري ابراهيم
- ألحان
- عبدالعزيز لويس
ليت كل علاقتا بدايه
ما يهمنا شلون بتكون النهايه
لما كنا نحس نبينا حق بعضنا
انت متغير بما فيه الكفايه
لي كنت طول الوقت فاضي
يزعل العالم مدامي آنا راضي
كنت أكثر شخص بالدنيا يهمك
كنت ولكن كنت هذي فعل ماضي
برجع أتعرف على قلبك من الأول
ويرد ذاك الفضول اللي لعب فينا
نرد نشتاق نرد نحس نرد نسأل
نرد نكتب على القمره أسامينا
وين وين ذاك اللي يبيني
وما ينام إلا إذا غمضت عيني
فاقد احساسك وحشني اهتمامك
كافي حس فيني تعال إرحم حنيني
بس لا تسد لقلبي بابك
انت حاضر بس أعاني من غيابك
وش يفيد الغيم إذا ما هل مطره
وانت تدري كم أموت آنا بترابك
برجع أتعرف على قلبك من ف الأول
ويرد ذاك الفضول اللي لعب فينا
نرد نشتاق نرد نحس نرد نسأل
نرد نكتب على القمره أسامينا
بالجفى صرنا نتمادى
عن بعضنا نصد من باب انتفادى
وصل دون إحساس صرنا نأدي واجب
نسكت ولكن بداخلنا نتنادى
إيه
مثل ما الأول تحول
نقدر نحوله ويرجع مثل الأول
مشكلتنا إحنا طبيعي الحل فينا
صعبه نتفارق وهم صعبه نتحمل
برجع أتعرف على قلبك من ف الأول
ويرد ذاك الفضول اللي لعب فينا
نرد نشتاق نرد نحس نرد نسأل
نرد نكتب على القمره أسامينا
يا وجود
هل ليوم فات عشقا أن يعود
عد وجود
دون قلب كيف تشتاق الجلود
داوني بالوصل من سقم الصدود
معلومات الاغنية
كلمات مشاري ابراهيم
الحان وغناء عبدالعزيز لويس