كلمات أغنية ياخي بادر

ياخي بادر يمكن انت ال انا ناطر
بس ابي كلمه احبك
انت خايف وانا خايف
من كلامي حتى واضح من سلامي
من اشوفك قلبي يضحك
وانت متاكد وعارف

واقعيا
كلهم يدرون وبين
ياما سلمنا على الكل
من اجل واحد معين

المشاعر واهيه داخل
حلوه لكن ما تفيدك
الا لما تبوح فيها
لجل ابادلها وازيدك

س علل
ليش لما تغيب اسال
واقدر ازعل مني انا
ومنك انت مقدر ازعل

هاك ركز
طالع عيوني وميز
وشكثر غالين فيها
ولاحظ انك انت الابرز

احترامي
شوقي حرصي اهتمامي
اقرى افعالي بعينك
قبل ما تقرى كلامي

هذا حدي
ماني قادر ولا ودي
ان اقرب منك اكثر
بس غموضك صف ضدي

لا اتاخر مافي خيره
وماله داعي لاي حيره
انا قلبك مابي غيره
وانت ليما الحين ناطر
ياخي بادر