كلمات أغنية اقيس محاسنك
اقيس محاسنك بمن
ياالدرة الماليك تمن
والله نور عيني نور الزمن
ما شوفنا في طول الزمن
سواك بدري في داخل كمن
الانوار يتزاحمن
في خدودك اخدن امن
ومن فاهك يتقسمن
بروق في بروق يتقسمن
دي الدنيا أم جنة عدن
شوفنا ملاك لابس بدن
انسان لكن مفرداً
غصنه مهفهف أملداً
وهيبة اسد في عيون شدن
يالجبرة المازجة العجن
جبينك زي فلق الدجن
وجسمك بالطيب أنعجن
اذا النسمات بيك عرجن
طبقات الجو يتأرجحن
والانفس يتهيجن
أنت نرجس من الوسن
لعيونها الأعين جسن
وأن آية الحسن الأسن
وغصون الروض يتمايسن
في ذاك الزي الحسن
وكل حُسن مالك حَسن
روضك زي عارضين صفن
حلال سحرك ماسحر فن
كواكب النور البلصفن
بدور الكون لوينصفن
يسجدن ليك مايكون وفن
فيك عيون الرائين يرن
محاسن بالحسن إزدرن
ومهما أفكارهم يكبرن
زي حسنك مايعبرن
مع البدرين سيرك سرن
ومن وزنك هن يقصرن