كلمات أغنية احلى غزال

كل صبح اطالعه ذاك الغزال

لي صبح يمشي ومحلى مشيته

دوسة اقدامه على ذيج الرمال

الثرى ينتج زهر من ريحته

الغزال اللي ندر ماله مثال

كنه امخوف ومسرع خطوته

ظبي لكنه ابشوفه سعد فال

يرقص فوادي بدوسة خطوته

سارح ولابس حلا وغنج ودلال

صار يغري ناظري من طلته

كيف يمشي ع الثرى ذاك الهلال

الاراضي تبتسم من رقته

الغزال اللي غدا الحب الحلال

عاش متمتع بروضة جنته

قلتله هيد وقربلي تعال

ودي اهنا معك صبحي بلذته

التفت لي وارمت عيونه نبال

ويل قلبي ما يقاوم نظرته

يوم صوبي بالحلا والنور مال

ادنت اضلوعي عليه وشلته

يادله امسوي على عوده ظلال

واللالئ بينت من بسمته

مكتمل حسن وادب طيب وجمال

حظ ام في حضنها ربته