كلمات أغنية صوتك يرد الروح

صوتك يرد الروح فى جسم ميّت
استغفر الله كان في قولي اشراك
كل الجوارح فيك هلّت وحيّت
حتى خفوقي فزّ واقف وحيّاك
من رمستك كل الاحاسيس ديّت
هزّت عروق الروح رمسة شفاياك
روح المعذّب كمّ لجلك تريّت
حي اتصالك يالغلا لا عدمناك
حتى المشاعر عند صوتك تهيّت
يا بعد هـ العالم ترى القلب يهواك
حاولت اصبر عنْك والنفس عيّت
الشاهد الله صدق مقدر ع فرقاك
و يا حظ ياللي دوم يورد على ماك
صوتك يرد الروح فى جسم ميّت
ويا ليتني احظى بشوفك ولقياك