كلمات أغنية ولا صحبه
ولا صحبه احلى من تجلي الذات
ولا حضن ادفى من ونس في النفس
غاب الصحاب لكن الهوى حاضر
قادر ياخدني لحد عين الشمس
ساب القمر ضيه على بابي
نور لي كل اللي طفاه الامس
انا وحدي جايز بس مني كتير
حالمين بعالم فيه قلوب تتحس
يا بحر فاصل شطنا عنهم
بيننا وبينهم الف سد وسد
عايشين بنلضم جرحنا واحنا
فيه شوك في روحنا المه فاق الحد
يا صبح جاي يصحي في عيونا
هنعدي يومنا لو يا دوب ع القد
ده الوحده صحبه والصدى راجع
يرد صوتنا هو هو الرد
ننادي تاني بس مين سامع
ولا صحبه احلى من تجلي الذات
ولا حضن ادفى من ونس في النفس