كلمات أغنية القصة واللي كان

دي القصة واللي كان اتنين حبوا زمان

تفتكروا الحب كمل ولا مع الوقت هان

هو كان قلبه خام وقليل في الكلام

لسة صغير لكنه مليان وحدة والام

هي زينة البنات بضفيرة وفيونكات

ولا تعرف يعني ايه حب ولهفة وغرام

وقابلها في مرة صدفة اتبرجل لما شافها

ابتسمت بان كسوفها احساس خطفه وخطفها

دة يومين وهتنساها مش دا الحب اللي يعيش

انسيه دي قلوبكم لسه بريئة مابتحبيش

دا كلام من اقرب ناس لما حكولهم سمعوه

والحب مكنش بايدهم يعني عشان ينسوه

بيشوفها مكان ميروح في خياله ومش بتروح

من شكله هتعرف انه حيران قلبه ومجروح

هي قلبها مكسور ووحشها ومش بتقول

مش عارفة هتنساه ولا وجع القلب ده هيطول

و قابلها ف مرة صدفه دمع اول ما شافها

باين في عينيها خوفها وفيه بينهم الف سور

ده يومين وهتنساها مش ده الحب اللي يعيش

انسيه دي قلوبكم لسه بريئة مبتحبيش

ايام عدت مانسوش من وقت ما قالوا سلام

عمر القلب اللي يحب ما يرجع زي ما كان

القصة واللي كان اتنين حبوا زمان

وجعوا قلوبهم عشان حبوا قبل الاوان