كلمات أغنية دوري

الأيام زي امتحان
والنتايج بالميزان
كل واحد ليه معاد
لما بيئون الأوان
واللي طالع فيها فوق
واللي طامع في الحقوق
بكرة ييجي اليوم يفوق
دي الحياة داين تدان
واللي ظلم الناس في إيده
ماشي متعكز عليه

دوري يا دنيا عليه
وقولي له محال الحال يدوم لو هو إيه
ده العمر حساب في كتاب يشوف مكتوب له إيه

دنيا تلاهي تملي تدور
دنيا ملاهي ومش بالدور
واللي بيشبط فيها بيحلم
امتى تحن وياخد دور
بس هيعلى لغاية فين
برضه هينزل لكن فين
لما يشوف الناس من فوق
غيره بييجي عليه الدور
بالأيام اتغطى وناسي
إن ساعتها بتعريه
قلب لكل الناس مفتوح
راضي برزقه وبالمسموح
تتبسم أيامه وتحلى
علشان هي حلاوة روح
حتى ترابها ما يملى عينيه

كلمات محمد السيد