كلمات أغنية تسمحي

تسمحيلي يمه من وقتك شوية انسى جمبك حمل شايله تقيل عليا

و زي عادتك تسمعيني لو بكيت استحمليني يمه زادت قسوة الايام عليا

كل يوم بقى يشبه اليوم اللي عدا كلمتين مش مفهومين على دمعة شاردة

حتى لون الدنيا باهت و المعاني في قلبي تاهت خوفي لتطول علينا الشدة ديا

مدريتيش يمه اللي حاصل و انتي غايبة حالنا مال بعدك خلاص الدنيا سايبة

شوفتي حتى ابن اللئيمة والله بان و بقى له قيمة الجبان لقى فرصة يتشطر عليا

قبل ما امشي بسألك مش عايزة حاجة لسة برضو ساكتة مش هتقولي حاجة

بكرة هتقومي بالسلامة يا اللي شيلتي الهم ياما ترجعيلنا يمه زي زمان بهية