كلمات أغنية الوقعة الاخيرة

قبل خطوة م النهاية قبل اخر وقعة ليا

بان قصادي شريط حياتي كنتي فيه قدام عينيا

الامل كان مات في قلبي م المعافرة بدون نتيجة

وانتي طول الوقت جنبي شايفة احلامي حقيقة

كنت باهت روح وصورة والهموم صعبة وتقيلة

قويتيني وشيلتي عني واتقاسمنا جراح كتيرة

قولتلك الخوف كسرني شكلها الوقعة الاخيرة

قولتي مش هقبل سامعني لسة سكتنا طويلة

انتي نور غير كياني مستحيل هتهد تاني

فاكرة لما الحزن صابني والوجع غير في شكلي

كنت محبط ضهري محني من همومي ومن مشاكلي

كله سابني اتخلى عني كنت تايهه وسط غلبي

قلبي كان مقسوم وجعني قولتي قوم كمل بقلبي

دنيا ودت ناس وجابت وانتي ثابتة م البداية

طول طريقي عليكي ساند مهما يحصل لي معايا

قولتلك الخوف كسرني شكلها الوقعة الاخيرة

قولتي مش هقبل سامعني لسة سكتنا طويلة

انتي نور غير كياني مستحيل هتهد تاني

تجميع وتريات : Budapest Scoring