كلمات أغنية ما اعوفن حيدر

⋐════════════════⋑

علي يا علي – علي سلطاني و اميري و ساكن بدلالي

علي غالي و ما ابالغ من اقلك غالي للابد ثابت ولائي و بالقبر ما ابالي

اوياي ما دام الصميدة ياهو يدنالي

علي خيمة جفوفه و روحي صعبة تعوفه الفقرة يتعناها بعوز ما خلاها

كاتب اعله المنحر ما اعوفن حيدر خلهم ايلوموني رافضي ايعرفوني

و علي محبوبي و هيامي و حبه يسري بدمي و اذكر بطلقتها جانت يا علي تصيح امي

بالحشر لو حاسبوني علي ايقلهم يمي و رايح بيوم القيامة علي ايصيح باسمي

علي ساقي الكوثر و بالشدايد يحضر باجر اينجيني و من العذب يرويني

كاتب اعله المنحر ما اعوفن حيدر خلهم ايلوموني رافضي ايعرفوني

يا علي يونس حضرته و بالبحر نجيته الحوت من يونس يحيدر يعتذر خليته

و مرحب بسيفك شطرته و ابد ما هابيته و خاف حتى الجن يحيدر لمن اتعنيته

كلهم يعرفونك الضيغم ايسمونك و بالكتاب المنزل علي هوه الاول

كاتب اعله المنحر ما اعوفن حيدر خلهم ايلوموني رافضي ايعرفوني

علي قالع حصن خيبر و الشدد راعيها و جا سفينة نوح غرقت علي لو ما بيها

و علي رد الشمس بيده و اسمه خطه عليها ولا تقلي الدنيا حلوة هوه المحليها

علي للحق اية و معجزاته اهوايه شعشعت انواره و فاض بحر اسراره

كاتب اعله المنحر ما اعوفن حيدر خلهم ايلوموني رافضي ايعرفوني

علي قراني و صلاتي و هو ثبت ديني انه احبه امن الطفولة و هالعشق يكفيني

شيعي و اتباها بولائي و محد ايضاهيني و ادري باجر من جهنم حب علي ينجيني

و اشما تطول احزاني و علي ما ينساني ما اخونن عهدي و هذا كل العندي

كاتب اعله المنحر ما اعوفن حيدر خلهم ايلوموني رافضي ايعرفوني

⋐════════════════════════⋑

⋐═══════⋑

المناسبة : قصيدة شهر رمضان 1440 – 2019 , استشهاد الامير , شهادة امير المؤمنين الامام علي بن ابي طالب

هندسة صوتية و تسجيل و ميكساج و ماسترينغ : استوديو سيفن – مملكة البحرين