كلمات أغنية صحت وينك
تعبني تفكيري وگمت بالگوة انا من ليلي
كل الرسايل والصور عن فرگتك تحجيلي
ليش من اجيس اذني گمت تتحسر وتبچيلي
وتگلي ترجيتچ منو السلبها بس گليلي
تسألني اعله ترجيتچ وانه مضيعه عافيتي
صرت ورگة وغصن عينك عينك
مرات الحچي اشكثره كله ينحچي بنضرة
ما شوفن گمت دربي صحيت وينك
يا غبشت الله اعله الورد لا تمشي وتفارگني
ضليت افكر بالسبي وطاري اليسر خانگني
من ترحل بكد ذبحتك راح الرمل يحرگني
مثل الطير بالمطرة اركض بويه بالصحرة
صورة حزني مرسومة عله اجبينك
من اتگرب الفركه يعطش حضني للملكة
وهجرك ياكل بگلبي صحت وينك
ما تنفع اسنينچ بعد ضرف الرسايل يقره
كسرت كفاي بكربله بكد كسرت عالزهرة
ينطيك كلبك نفترك وتهون ذيج العشرة
بكد عمري دورلي حبل ماريد عمره اشكبره
جرحي بكبر عبدالله وهيه العافية امن الله
والنوك بويه تون عله اونينك
طالت بوجهك صفنتي وعركت صورك بيه
مو انته التلوحة الشمس يا قل هو الحنية
ما ادري بصياط المتن هاكد ثكيلة اعليه
ليش السطرني اعله الوجه ما كال هاي ابنيه
مرات اليهظمونه ايسولف جرحه بعيونه
وسط احشاي بويه اتشب جوانينك
روحي عليك اتعودت لا تمشي وتخليني
مربيه لو حته بحلم خل بيك اكحل عيني
جنت امن اناح اذكر كبل بجفوفك تغطيني
شبسرعة عشرتنه انتهت وباكي الوداع اسنيني
يا محله الهلا بحلكك بويه اشكد احب خلكك
اتيه بقصتي امن اكتب عناوينك
جنت رقيه بكل وكت تستم عبير انفاسك
وحته الهوه ايعوف الهوه لو سولفت بحساسك
موعدنه يم طشت الذهب لو يمي جابو راسك
اشهك واموت اعله الطشت واكسر كلب عباسك
اخلي راسك بحضني وصيحن ليش عايفني
كرب موتي وردت اغفه اعله جفينك