كلمات أغنية المعذره ياشبام العاليه
المعذره ياشبام العاليه
لا تزعلش طوله الغيبه علي
وتبسمي لي وكني راضيه
والله ماشي كما الوجه الرضي
وان شي معي لك في الوسل باظهره ماباخفيه
كل من كتب من الله شي يجيه
يامسكن اهل القلوب الساليه
اللي لهم حس قلبي يستلي
ياحضن كمين طلعه دانيه
فكني اذا شفتها واعصر ذني
ياليت لي من تمرها حس نفسي تشتهيه
كل من كتب من الله شي يجيه
والله لو ما الظروف القاسيه
لي منها اصبح اللين قسي
والماء اعتكر في القلوت الصافيه
ولا درينا متى بايصطفي
كل من ضمي بالغصب يشربه لو هو مايبيه
كل من كتب من الله شي يجيه
عالقلت جات الوحوش الضاريه
والوحش عالبطش من سابق ضري
لكننا ضربته بضربه قاضيه
بقدره الله وامرا قد قضي
اصبر شوي بتشوف بالعين في سعفه وفيه
كل من كتب من الله شي يجيه