كلمات أغنية البحر بس انت وانا

البحر بس انت وانا والكاس كل ماله ودار
ولعاد احد مابيننا والاهل بعدوا والديار
ياكاتم الاسرار يابحر الهوى باستودعك سري
ما ادري ولا انت ياحبيبي بالذي بالغيب باتدري

ما احسن المنظر هنا والشمس نحو الاصفرار
تعكس على البحر السنا من نورها تلهبه نار
تتحير الافكار باشياء ماقدر عا وصفها فكري
ما ادري ولا انت ياحبيبي بالذي بالغيب باتدري

ما احلى اويقات الهنا تطلع لياليها نهار
فيها تبلغت المنا وقطفت من خير الثمار
وفضى بي المشوارانا وانت سوى في الجانب البحري
ما ادري ولا انت ياحبيبي بالذي بالغيب باتدري

مهما تحملت العنا او جاتنا الدنيا شتار
مابتركك حتى الفنا ما بهجرك والهجر عار
دايم وانا صبار ان جار او عدل ياصاحبي دهري
ما ادري ولا انت ياحبيبي بالذي بالغيب باتدري

شيدت في الحب البناء وبنيت له مسكن ودار
والحقد سبته والشنا واحرزت كاس الانتصار
عا كلمه المحضار يشهد بدوي اهل الشحر والحضري
ما ادري ولا انت ياحبيبي بالذي بالغيب باتدري