كلمات أغنية مقصودة

الي كبير كبير آبابا
الهيبة من بكري الى دابا
كحلو عيونكم يا الحلابة
الي كبير كبير آبابا

بزاف عليكم حنا
يالي فيكم شحال سرحنا
حنا معانا ربي
و بيه عمرنا لا طحنا

سمحو لينا الا نجحنا
و فيكم جرحنا
حنا خلقنا ربي ليكم محنة

يا فلحنا و جنينا
و انت حاضي فينا
غير ريح روحك
يا لي فحلقك واقفين بقينا

غي صبر يا المريض بينا
حنا قباح تزادينا
ماطلبناش القوة
ربي لي عاطينا

هادي مقصودة
لشي وحدين قرودة
حسدونا على النوضة
اصحاب القلوب السودة

واخا تعيا ماتقلدو
عمرك لا وصلتي قدو
الي عندو عندو

سير لهيه بكي فالتيساع
ماشي ذنبي الا انت فالقاع
حالتك صعيبة
كاع الناس عارفة آش تحت القناع

ماقاد على صراع
لا هجوم لا دفاع
كاذب و متيق الكذبة
و عايش بالجبهة و الخذاع

حنا بالتالي فالسلاح
و انت مازال فعهد الرماح
ماجايب خبار للدنيا
الله يطلق ليك الصراح

كاع الغاشي عليكم راح
كلشي خدم و جنا الرباح
يا كاع القوافل مشات
و تتوما مكابلين غي النباح