كلمات أغنية صباح الخير موروكو

صباح الخير موروكو
بكري صاحو ديوكو
ناس جايا و غادا
العسكر بايتين الحدادة
من القلب ميرسي بوكو

صباح الخير موروكو
ولي مازال فشكوكو
يعرف المغرب فالريادة
القمة ولات لينا عادة
ندرسو الحطب و بشوكو

لي فالارض يفلح
و لي خارج يسرح
اولاد البلاد الملاح
رجال واقفين على الصح
ربي يرزق و يفتح
ان شاء الله نغرقو بلافراح
عدونا يحضي و ينبح

صباح الخير يا المغرب
هواك بمليون طبيب
ناسك مايهضرو مايغيبو
و حتى لي عطانا عيبو
من عندنا مايشوف العيب

صباح الخير يا المغرب
يا البعيد عليه غريب
حبك ساكن فقليبو
ما يشوف فغيرو حبيب

صباح الخير و النور
الدار البيضاء و بوجدور
العيون و الناضور
و لي جاي لينا يزور
فالمراكب فالبحور
و لي طولو فالغبور
شحال تعيا ماتدور
مرجوعك للجذور

هزو العلام هزو العلام
زيدو القدام ذيدو القدام
وصية خلاتها داك الراحلة
ياك حنا مغاربة احرار و ماندوزو عار

هزو العلام هزو العلام
زيدو القدام زيدو القدام
و الا خيابت بينا تزيان
بلادنا بينا تزيان