كلمات أغنية لفي يا فرحة ودوري
لفي يا فرحه ودوري
ع بيوت الشعب السوري
شرق وغرب شمال جنوب
رشيلي رز وجوري
بالجامع نعمل قداس
تا نزرع بقلوب الناس
حب وغيره وحريات
لشعب جبينه بينباس
نخاوي شيخا مع خوري
يا علوي السني عزي
يا شيعي خيك درزي
جعفر مع عمر الفاروق
عيسى وكردي مع حمزه
طائفتي ودمي سوري
يلا يلا يا شعبي
نرفع رايات محبه
الله مبارك سوريه
ارضا بيحبا ربي
ناسا نسغي ويخضوري
يا فرحه زوري حدودا
بوسيلي قبور جدودا
بوسيلي حلم الاجيال
والمستقبل ع خدودا
حزن الماضي لا تزوري