كلمات أغنية الحصن الحصين

أبشري يالعين بالحصن الحصين
أبشري بهزاع لج عاشق يصون
أبشري بالعز والحب الرصين
بالقبال الشامخ وطيب الظنون

من كرم زايد خذا نفس اليمين
يحفظ أسوارج وتاريخ الحصون
حافظ الأفلاج والنبع الثمين
والنخيل وكل أشجار وغصون

ياحفيت اشهد على سعد السنين
بالهمام الفذ لي كفه مزون
لك عشق هزاع أنهار وعيون

أبشري يالعين صرتي له عرين
العضيد اللي لريسنا يصون
الشجاع الشهم والحر الأمين
شيخنا هزاع بن زايد يكون