كلمات أغنية فرصة تانية

كل ما تبقى الارض اصلب تحت رجلي اترعب
لانسى كوني شخص بكل معاني الكلمة تعب
وبستغل خوفي في اني اتقدم مش في اني اتحجم
عارف الفرق بين الراحة وبين الم مطفي بمسكن
بقالي وجود لما بقالي اهداف احققها
بسعى للمثالية وعارف اني مش هلحقها
بس هفضل ببقى احسن كل يوم عن اللي قبله
وده يستاهل اني اتعبله ويطمني وانا بقابله
انا كنت شايفه رماني لا في زماني ولا في مكاني
وكنت فاكرني هبقى المهدي لو اتولدت ف ظرف تاني
تلميذ ما ذاكرش وفاكر امتحانه اللي ما يتحلش
مع ان الكل واخد نفس الامتحان ما قلش
ان العيب كان فيا من البداية ما كانش في الظروف
امنت بكون الله بيديني بس اللي استحمله
ف بقيت بواجه اي شىء وانا راضي ومتقبله
فجاة بقالي دور بقالي حياة بقيت بتبسط
بقالي مكان في دنيا كنت رافضها خوف لاترفض
بقيت بفرح بحاجات كانت تافهة في عيني وصغيرة
لما عالجت عيني وشيلت من عليها المرض
فجاة بقالي دور بقالي حياة بقيت بتبسط
بقالي مكان في دنيا كنت رافضها خوف لاترفض
بقيت بفرح بحاجات كانت تافهة في عيني وصغيرة
لما عالجت عيني وشيلت من عليها المرض
لما تاخد فرصة تانية وانت قبل الموت بمللي
يبقى صوت م السما بيقولك جه الوقت تامنلي
ف تفوق تشوف كام موته كام اوفر كام شوطه
كام حادثة ليلة سودة كان وارد فيها موتك
واتكتبلك عمر جديد وانت كنت اعمى وعنيد
تقوله اموت يقولك عيش تقوله ليه ما بترحمنيش
ده احنا وقعنا عشان نقوم وعشان نتعلم ازاي نقف
خطائين لكن ده مش هيحدد نوطى ولا نعلى
مش محتاج تغير نفسك محتاج تغير فعلك
عمر ما جوهر المزارع زاد او قلل الحصاد
الفراعنة لما اجتهدوا شوفنا بعيننا الاهرامات
ولو تعبت في ص ولقيت النتيجة في س
بعد فترة هتعرف ان ال س احسنلك بكتير
امن ان ربك ادرى بافضل حاجة ليك
ف بيكافئك في الميعاد وفي المجال المناسبين
فجاة بقالي دور بقالي حياة بقيت بتبسط
بقالي مكان في دنيا كنت رافضها خوف لاترفض
بقيت بفرح بحاجات كانت تافهة في عيني وصغيرة
لما عالجت عيني وشيلت من عليها المرض
فجاة بقالي دور بقالي حياة بقيت بتبسط
بقالي مكان في دنيا كنت رافضها خوف لاترفض
بقيت بفرح بحاجات كانت تافهة في عيني وصغيرة
لما عالجت عيني وشلت من عليها المرض