كلمات أغنية سكان الليل

يا اللي بين كل نجمة ونجمة امتى هتحنيلنا
سكننا الليل بالنيكوتين والقهوة يمكن تسمعيلنا
عشان حلاوة الحب واقع بقى الحزن ملة
محدش داق حلاوة الحب الا وانضملنا
احنا كتير وبنعرف بعض لان عيوننا مبتخبيش
مبنتسئلش مالكم من فراغ لكن بنقول مفيش
احنا التذكرة الواحدة وسط زحمة الاتنينات
احنا الخميس بتاعنا ميختلفش عن التلات
احنا صمت اقوى من الكلام تعبيرا عن صاحبه
احنا اللي بيتزهق منه وبيتقال سيبوه على راحته
اللي بنحسد اللي رافع راسه مع انه هيتكسر
اللي ماشي باصص تحت رجله ويخبط فيك يعتذر
سكان الليل في الارض بسببك متشافين اغراب
يا اللي بين كل نجمة ونجمة اوعي تخذلينا
محدش فينا اتعلم انه يعوم يا سفينة
لعله خير شر حامينا من الاشر
يمكن احسن ركوبة لينا ركوبة المضطر
يمكن قدرنا الاب بتاع بعمل ده لمصلحتكو
لعله فقد ما نملك لامتلاك ما نستحقه
لعله خير شر حامينا من الاشر
يمكن احسن ركوبة لينا ركوبة المضطر
يمكن قدرنا الاب بتاع بعمل ده لمصلحتكو
لعله فقد ما نملك لامتلاك ما نستحقه
يا ساكنة الضفة التانية جايلك مش هتاخر
كل شيء في حياتنا لمقابلتنا كان متسخر
اللي عشته انا وانتي ارض صلبة نبني حياة عليها
علاقتنا غاية الكون بيدور ودار حواليها
متفقديش ايمانك بيا ولا تشكي للحظة فيا
لو هضحي بكل حاجة مقابل حاجة فا انتي هي
بنكلم نفس النجمة ف نفس الوقت ودي مش صدفة
يا كعبة عيني وعينها بشريها بيا
الهميها بكونها مش وحيدة واللي فيها فيا
ارسميني قصادها في السما وسيبيلها هي الباقي
محدش طارد حلم يقظة اكتر من هوائي
يا ساكنة الضفة التانية وجودنا في القاع امل لينا
بكرة مش هيلاقي حاجة ياخدها مننا فا هيدينا
يا ساكنة الضفة التانية العرش والتاج في انتظارك
وصلينا بسرعة يا ارض لقانا نقطة على مدارك
المرادي مش غريق ف عرض اول قشة تظهر
المرادي المرسى نقطة قصادي كل ما اعوم بتكبر
مؤمن في كل وقت متاكد لو في علامات
بمشي ورا احساسي دايما انتو بتمشوا وراه ساعات
المرادي مش غريق ف عرض اول قشة تظهر
المرادي المرسى نقطة قصادي كل ما اعوم بتكبر
مؤمن في كل وقت متاكد لو في علامات
بمشي ورا احساسي دايما انتو بتمشوا وراه ساعات
اخيرا اتقابلنا وش لوش بدون وسيط
كل حاجة زي ما السما وصفتلي باختلاف بسيط
طبيعي ان احنا دوبنا تحت اول ليل قابلنا
حبنا لبعض اتولد قبل اول نظرة بيننا
احكيلي تاني كل حاجة حتى لو عادية
ده انا بشوف نفسي فيكي اكتر مانا بشوفني فيا
كل بحبك كنت بقولها لحاجه منك في اللي قبلك
يعني كل كلام الحب اللي انا كتبته ده اتكتبلك
بتامل حياتي وهي بترسم سندريلا فيا
اثناء ما حياتك ع التوازي بتشكلك ليا
مستحيل تكون دي صدفة جايز تطلع دي نظرتي
مانا نحات وخلق معنى من لا معنى دي شغلتي
احكيلي جديد وانا هنحت تماثيل جداد
عايز كل يوم نعيشه يبقى اسعد من اللي فات
طب نعمل حاجة جديدة مادام مفيش حاجه تقوليهالي
مش عارف ليه زهقان يا خوفي لايكون اللي في بالي
اوعى تواجه الموهوم بشيء بان شيئه اختفى
مفيش اصعب من الغروب ع اللي متعلق بالدفا
ساعات لازم نعيش وجع وصدمة انهيار اوهامنا
عشان نشوف حقيقة صعب حد يوريهالنا
اوعى تواجه الموهوم بشيء بان شيئه اختفى
مفيش اصعب من الغروب ع اللي متعلق بالدفا
ساعات لازم نعيش وجع وصدمة انهيار اوهامنا
عشان نشوف حقيقة صعب حد يوريهالنا
رفضنا نصدق ان نهاية القصة ابتدت
فضلنا بنرقص مع ان المزيكا اختفت
حاولنا نفضل سوا بكل وسيلة وكل حيلة
خلقنا بديل لكل بديل لكل خطة بديلة
فا ابتدى الملل وابتديت اشوف عيوبك
وبدات احتاج مساحة لنفسي واستتقل وجودك
واضطريت اداري ده بكلام مكانش من جوايا
فا ابتديت اشك ف حبي ليكي اصلا من البداية
احنا ف محنة بس بنحلم والميت ف حلمه حي
من اول يوم فرحنا وانا قلقان من اللي جاي
مش تشاؤم ولا كابة ولا مستكتر اني ارتاحت
بس للي ف اعلى نقطة اي طريق هيكون لتحت
يا اللي بين كل نجمة ونجمة جيتلك متاخرتش
بعترفلك اني احتاجت اتحب واحب فا مفكرتش
يااللي بين كل نجمة ونجمة ايه المشكله ف كده
اكيد مسيرها تصيب من فضلك اوصفيلي غيرها
مش كل البدايات سعيدة ومش كل النهايات حزينة
مسيري هكتب غنوة كاملة تحبي تسمعيها
وحتى لو موهوم الوهم بكل طاقتي اولى
ع الاقل يتكتب على قبري نال شرف المحاولة
مش كل البدايات سعيدة ومش كل النهايات حزينة
مسيري هكتب غنوة كاملة تحبي تسمعيها
وحتى لو موهوم الوهم بكل طاقتي اولى
ع الاقل يتكتب على قبري نال شرف المحاولة