كلمات أغنية كوكب جبروت

ياما جرب شغلها ببعدو
قال يعني هتشتاق وتحبه
بس القسوة بتذيد قسوة
عماله بتوجع ليه في قلبه

بيلف سنين نفس اللفه
وترجعه تاني نفس اللهفه
خطوات ثابته نفس الغلطه
بيدور لنهايه مختلفه

والموضوع بيكررو في كله مره ليه بتكسرو
عارفه انها بتدمرو بس مصممه تأذيه
بتحس كده بنفسها كوكب جبروت قلبها
كل اللي جرله منها هتشوفه في ناس بعديه

غلبته لهفته قام كلمها
وجعته ببرودها وكلامها
هاديه وراسيه بردود قاسيه
غامر بكرامته وسلمها

بيشوف حل ازاي يرضيها
وقف كل حياته عليها
احساس يخنق مش لاقي مخرج
عايش تعبان ومريض بيها

والموضوع بيكررو في كله مره ليه بتكسرو
عارفه انها بتدمرو بس مصممه تأذيه

بتحس كده بنفسها كوكب جبروت قلبها

هتوصله مرحله بأيديها
هتخليه يعيش يدعي عليها
هيعيش يهرب مفيش مهرب
عشان برضو هيهرب ليها

وهيجي في الاخر يقابلها
ولو الجنه رافضه دخولها
بسبب ذنبه حسرة قلبه
مش هيسامح ولا يصفالها