كلمات أغنية بكفايه

لما كنت شاريك بعتني
وقت ضعفي مشيت وسبتني
جاي ليه ماخلاص خسرتني
قولي راجع ليه

حلمي جنبك ضاع واختفي
شكلي ضلم بيك وانطفي
قلبي منك شال واكتفي
قولي ناقص ايه

بكفايه بكفايه
كسرتلي قلبي جوايا
ايه ماستكفيتش باذايا
انا استكفيت

ريحني وانساني
ليه جاي توجعني من تاني
سنين وانا قلبي بيعاني
كفايه ياريت

انا عمري ضاع وياك واتسرق
عشته كله في خوف وفي قلق
امتي قلبي في يوم ليك فرق
ولا حسيت بيه

انا كنت بدي كتير للاسف
قلبي فجاءه اتساق واتخطف
غلطه مني اكيد بعترف
بس هعمل ايه

جاي فاكرني هموت واسمعك
حبي ليك قواك وطمعك
لو نطقت هدوس واوجعك
فامشي يلا وروح

امتي قلبك يوم حبني
انت شر وشئ ضرني
جيت حياتي عشان تهدني
وابقي بيك مجروح