كلمات أغنية مهرجان خداع الحب
شاب كان ميسور الحال معاه كتير من الأموال
كل يوم مع واحده شكل وكل يوم يا ناس بحال
حب واحدة واخلصتله ومن حنانها يا ناس اديتلو
كانت فكراه فتاة احلامها وهو ندل من الاندال
تسلية ببنات الناس دي غيه بارع فيه خيانتو والأذية
مبيخفش علي بنات الناس وهما لية ديما ضحية
قالها بكرة هتبقي مراتي وهو كلامو كله كدب
والبنت بكل حاجة امنتله واغلي حاجة ليها اديتله
ولما حسيت بحملها راحت علي بيتو أوام قالتله
قالتلو أنا مش بنت بنوت خدت شرفي ومش موجود
اوعي في يوم تتخلي عني لو بعدت عني هموت
الشاب كلامها معجبهوش نوعية بشر ميحسوش
مسك البت قوام طردها حب عمرها طلع فشوش
نكر ومعرفش البنية والبنت حسه بالاسيه
وفي المحكمة زعيق وخناق والقاضي اطلع ع الأوراق
والشاب نكر كل حاجة مفيش مبادئ ولا أخلاق
اعدل يا قاضي والله حرام علي ايدو بنتي بقيت مدام
مفيش دليل مثبوت عليه خد إفراج روح قوام
عدا فترة الموضوع نسيه وأبوه عايز يفرح بيه
جوزو وحده كانت قريبتو كان نفسو يشوف عيالو في ايديه
ويوم الفرح صدمة كبيرة مطلعتش الملاك البريئة
طلعت مراتو كده معيوبه شاب غواها ضحك عليها
قالتلو سامحني أستر عليا وأنا أخدمك بنن عنيه
هبقي خدامه بين ايديك ومعايا هتشوف الحنية
قالها خلاص هستر عليكي ده زنب عملتو واترد فيكي
وكويس أنه ما صاب اخواتي وأنا اوعدك أن مش هاذيكي
وقدرواينسو الذكريات جابو بنوته احلي البنات
كبرت واتربت قدامو وافتكر يوميه ماضيه اللي فات
تعالي يا بنتي كده اوعيكي أنا ابوكي وبخاف عليكي
اللي يحبك يجئ يتقدم اوعي لحد يضحك عليكي
سمعت كلامو خلاص وعدتو هتنفذ إللي قالو تسعدو
وبرغم كل نصايحو ليها قابلت شاب في يوم حبيته
والشاب ضحك عليها غواها ربك أكيد ده لية حكمته
أبوها عرف ودمو فار يرفع قضية وده القرار
واللي هيشوفو في المحكمة يخلي الجبل كدا ينهار
ولسه في المحكمة خناق والقاضي بص ع الأوراق
نفس القاضي ونفس الحكم شوفو يا ناس عدل الخلاق
ساعتها أبوها صابو الزهول من ست واقفة للقاضي تقول
رفض يعترف معايا بغلطوا ابني كمان رفض يقول
أم الشاب كانت البنية اللي زمان مضحوك عليها
ربك جبلها حقها ربك عمره ما كان ناسيها
واهو ابني ضحك علي بنتك سود حياتك و قل عيشتك
دلوقتي هتلاقيك ندمان روح وداري علي نصيبتك
كنت لشرك فاتح بيبان أنتا مستحيل إنسان
واهي حكمه وقالوها زمان أن كما تدين تدان
نبضات قلبو فجاءه زادت جتلو جلطة ورحو راحت
وبنتو أوام اترمت جمبو ودموع عينيها يا عيني سالت
ياللي بتخدع بنات الناس وفكره ليك حق مشروع
بكرة تدوق فس نفس الكأس وسعتها مش ينفع دموع