كلمات أغنية اشد انتقام

سيف الكرنك
انا غرقان في بحر دموع
عايش في الدنيا دي موجوع
يا أمي قوليلي اي الموضوع
طمنيني

يوم ورا يوم بزيد في هموم
وعيني مشفتش النوم
بقيت انا في الحياه مصدوم
ارحميني

ابوالشوق
اهدي بقي وارسي
وديني بر الأمان

كان ليا يوم صاحب
في الشر يا مراحب
ننزل نعمل قلبان

كتفو في كتفي
صحبي في صفي
بنقفل اي مكان

الهيبه كده فينا
وقالو علينا
احنا اجمد من الجمدان

اسامينا تسمع
خصمنا يولع
عمل لينا كمين
فرق قلبين
والسبب كان الغيره

سيف الكرنك
جبلنا واحده
قام مسوحها
انها توقع مابنا
صحبي انا شفها
راح جري جبها
وفضفضلها باسرارنا

لما غمزتو كدا وعجبتو
وقولتلو ان انا اعرفها
راح مصدقها
اني بعشقها
وانا صلا
ولا اعرفها

ابوالشوق
راح مخصني
ليه كدا يصحبي
دانا كنت معاك وفضهرك
ازاي تصدقها
دي واحده مبداها
تشكك كدا فامرك

صاحبي راح غدر
فتح الكاتر
ومشفنيش ولا قدرني
خلصه كده صحبي
الكلام منهي
واكنك ولا تعرفني
اتلم علي خصمي
قام مدبسني
وقوام راح ارشد عني
اني انا بتاجر
شكلو مزاكر
ومع الحكومه لبسني

سيف الكرنك
جم كلبشوني
قامو خدوني
ورموني وسط المساجين

مظلوم يا قاضي
صحبي الواطي
بعني لخصمي بقرشين

والسبب انا
من الجدعنه
ومن الطيبه الي فيا

خسرت حبيبتي
لما شفتني
بالحديد ف ايديا

ابوالشوق
ورفعت الجلسه
بسنتين حبسه
وخلاص اصبحت سوابق

هعد اليالي
وهرجع تاني
وهدوشكو بي المفاجاء

اخبارك بتجيلي
جوه يا زميلي
وعرفت انك عايشها

فلوس وبتكتر
اسمك بيكبر
وناس كتير راوشها

اتلم على واحد
عن حياتو فاقد
ومن هنا دي البدايه

شده وره شده
تكتر الماده
بتحلي كده الحكايه

سيف الكرنك
بودره وشادو
الشمال خادو
واستحلا السكه

عايز يرتاح
مهو مخو ساح
والشد قلب بي شكه

فلوسو بضيع
املاكو بضيع
وخلاص بقى ع الحديده

وبدق يدان
عشان الإدمان
خدو المفاجاه الجديده

ابوالشوق
بقى ف الشارع
حالو ده ضايع
وبقي يصعب حالو ع الكافر

شفني وشفتو
وشي في وشو
قولتلو يا صحبي فاكر

اني كده هسيب
حقي لا عيب
ختو وانا جوه ديقتي

جبتلك صاحب
لي الكيف ساحب
خلاك كده دلوقتي

بقى م الصدمه
شاف حياتو ضلمه
ومخو ضرب وفوت

كان مستغرب
حياتو بتخرب
الدنيا عليه اسودت

سيف الكرنك
البقاء ليا
ضربتي قويه
خلتني عليك اتحول

من سواد قلبك
ضاع خالص عقلك
وانت الي بدأت الاول

لما استغنيت
وليا ازيت
وضيعتلي حياتي

انا قولت اصفي
واخد حقي
واخلص كده حسباتي